BREIÐIMELUR | NÝJAR EIGNIR

Fasteignasala Austurlands kynnir: Breiðimelur 1-9, Reyðarfirði.

3ja og 4ra herbergja íbúðir með sér inngangi í nýju 2ja hæða fjölbýlishúsi. Íbúðir verða lausar til afhendingar eigi síðar en 1. október 2025.

EIGNINNI VERÐUR SKILAÐ SAMKVÆMT SKILALÝSINGU.

Allar nánari upplýsingar veitir Heimir Arnfinnsson lfs. // 583 2500 // heimir@fastaust.is

Íbúðin er 90,0 m², þar af geymsla 2,7 m² samkvæmt skráningu HMS. (Upplýsingar um 80m² eignirnar má finna hér)

Eignin skiptist upp í forstofu, alrými með stofu, borðstofu og eldhúsi, þrjú svefnherbergi, baðherbergi og þvottahús, í sameign má svo finna hjóla- og vagnageymslu ásamt geymslurými fyrir hverja íbúð.

Falleg eign á frábærum útsýnisstað!

Forstofa með fataskáp, flísar á gólfi.

Alrými með stofu, borðstofu og eldhúsi. Útgengt er frá stofu út á svalir til suðurs. 

Eldhús með Axis innréttingu og eyju. Helluborð á eyju, ofn í vinnuhæð og stálvaskur með einnar handar blöndunartækjum. Gert er ráð fyrir innbyggðri uppþvottavél í innréttingu, framhlið fylgir með. Pláss er fyrir 200cm ísskáp í innréttingu.

Svefnherbergin eru þrjú, öll með fataskápum.

Baðherbergi er með flísum á gólfi, þar er sturta, vask innrétting og speglaskápur, vegghengt salerni. Veggir sturtuhorns baðherbergis eru flísalagðir. Vegghengdur handklæðaofn.

Þvottahús er inn af baðherbergi, pláss fyrir tvær vélar með vinnuborði ofan á og skápur fyrir ofan og til hliðar. 

Sér geymsla ásamt sameiginlegri vagna- og hjólageymslu er á neðri hæð hússins. 

- Innréttingar og skápar eru frá Axis innréttingum með eikaráferð og gólfefni frá Birgisson.

- Íbúðin er kynnt með gólfhita. Á baðherbergi er einnig handklæðaofn.

- Íbúðinni verður skilað fullbúinni með gólfefnum. Flísar verða á forstofu, baðherbergi og þvottahúsi og harðparket í öðrum rýmum.

- Veggir og loft íbúðar verða máluð í hvítum lit. Reykskynjarar og slökkvitæki fylgja íbúðinni.

Breiðimelur 1-9 er fjölbýlishús á 2 hæðum með 11 íbúðum. Útveggir eru forsmíðaðar CLT einingar. Gólfplötur og sökklar eru staðsteyptar. Þak er einhalla, uppbyggt með CLT einingum og einangrað að ofan verðu og klætt með tvöföldum ásoðnum þakpappa. Útihurðar, gluggar og svalahurðar eru timbur/ál með tvöföldu K-gleri.

Gangstétt er hellulögð, gróðurbeð grófjöfnuð án gróðurs, aðrir hlutar lóðar eru þökulagðir. Stétt við inngang að íbúðum á neðri hæð er steypt. Lóðin er sameiginleg 2.200 m² leigulóð í eigu Fjarðabyggðar. 

Samþykktir aðaluppdrættir hönnuða gilda ef upp kemur misræmi á milli þeirra og annarra gagna.

Allt auglýsingar og kynningarefni t.d. þrívíddar myndir/teikningar eru eingöngu til hliðsjónar.

Húsfélag hefur ekki verið stofnað og kemur það í hlut nýrra eigenda að stofna húsfélag vegna sameignar.

Um er að ræða eign í byggingu og brunabótamat liggur ekki fyrir, kemur það í hlut kaupanda að greiða skipulagsgjald 0,3% þegar þess verður krafist.

Athugið að kaupendur greiða stimpil-, þinglýsingar- og lántökugjald vegna kaupsamnings og nýrra lána, auk þjónustu- og umsýslugjalds til fasteignasölunnar.

Fyrir nánari upplýsingar hafið samband við: 

Heimir Arnfinnsson lfs. // 583 2500 // heimir@fastaust.is